Bible Translation Project - Paul´s First Epistle to the Thessalonians

Chapter 1 · Chapter 2 · Chapter 3 · Chapter 4 · Chapter 5

Heafod 1

Paulus, Silas and Timotheus writað to þære cyrice þæra Thessalonicensa on Gode þæm Fædre and on urum Hælende Iesum Cristum:

Bið eow giefu and frið.

Þancung for þæra Thessalonicensa geleafan

² We þanciað Gode for eowra gehwæm, and we nemniað eow on urum gebedum. ³ We gemunað eower weorc æfre beforan urum Gode and Fædre þe ge þurh lufe dyddon, and eacswa eower geðyld þæt þe ge hæfdon þurh tohopan on urum Hælende Iesum Cristum.

⁴ Forðæm we cnawað, breþer þe ge sind of Gode gelufod, þæt he hæfð eow gecorene, ⁵ forðy ure godspel ne com to eow ane mid wordum ac eac mid mihte, mid þæm Haligan Gaste and mid strangum gewisse. Ge cnawað hu we wunodon mid eow for eowrum freode. ⁶ Ge wurdon ure æfterhyrgendas and Hælendes; þeah þe ge þrowodon sare onfengon ge þone ærend mid wynne þe eow wearð gegifen þurh Haligne Gast. ⁷ And þus wurdon ge bysen for þæm getrywa gehwæm on Macedoniam and Achaiam. ⁸ Drihtnes ærend wæs gesended fram eow ne ana on Macedoniam and Chaiam ac eower geleafa on Gode wearð cuð æghwær. Forðy ne motan we secgan nawiht ymb ⁹ forðy hi selfe bodiað us hwylce onfangenis we be eow hæfdon. Hi secgað hu ge eow of gedwolgodum gewandon þætte ge mihton þeowian þone lifigendan and soðan God ¹⁰ and his Suna abidan of heofone þe he of deadum arærde, þæt is Iesus þe genereð of toweardum yrre.

Heafod 2

Ge cnawað, breþer, þæt ure geneosung be eow ne geswac. ² Æror þrowodon we and wæron bysmerede on Philippi, swa ge cnawað, ac mid ures Godes fultume dorston we eow his godspel to bodienne þeah þe þær wæs strangu andsacu. ³ Forðy þa ben þe we eowra acsiað ne ariseð of gedwolan oððe unclænum grundum, ne fandiað we þæt we ge lytegiað. ⁴ Ac soðe, we cweðað swa menn þe sind þurh God befæsted to bodienne þæt godspel. We ne fandiað mannum to gecwemenne ac Gode, þe ure heortan cunneð. ⁵ Ge cnawað þæt we næfre olæcung ne brucon, ne hæfdon we griman beforan gesihðe þæt we gifernesse beþeahton. God is ure gewita. ⁶ We ne sohton manna lof, ne eowra ne næniges mannes.

⁷ Swa Cristes apostolas we mihten beon eow hlæst, ac wæron we liðe mid eow, swa moder þe ymb hiera lytlingas sorgð. ⁸ We lufodon eow swa fela þæt we wæron bliðe þæt we mihton gedælan mid eow ne ana Godes godspel ac eacswa ure lif, forðy ge wæron us swa leofe geworden. ⁹ Soð, ge gemuniað eow, breþer, ures geswinces and earfoðes. We wyrhton nihtes and dæges þæt we ne sien nænigum manne na hlæst ðonne we bodedon eow Godes godspel.

¹⁰ Ge sind gewitan, and eacswa is God, hu hælige, rihtwise and unscyldige we wæron mid eow þe geleafdon. ¹¹ Forðy ge cnawað þæt we heoldon mid eowra gehwæm swa fæder healdeð mid his agenum cildum, ¹² bemodigende, gefrefriende, and maniende þæt ge lifen lif Gode weorðu þe eow clypeð on his ric and wuldor.

¹³ And we þanciað Gode eac æfre forðy, ðonne ge onfengon Godes word þe ge hierdon fram us, ge ne onfengon hit ne swa manna word, ac swa hit soðe is: Godes word þe wyrcð on eow þe geleafað. ¹⁴ Forðy ge, breþer, wurdon Godes cyricum æfterhyrgendas on Iudeam þe sind on Cristum Iesum, forþæm ge þrowodon of eowrum folcesnum ilcu þing þe þas cyrican þrowodon of Ebreum ¹⁵ þe acweldon urne Hælend Iesum and þa witegan and eac fordrifon us. Him ne liceð God and hi sind manna gehwæm fage ¹⁶ ðonne hi fandað þæt hi us geletten æt hæðenum to sprecenne swa þætte hi sien generede. On þissum wege gegaðriað hi him synna oð ende. Godes yrre is æt ende on him gecomen.

Paulus gierneð to neosenne beo him

¹⁷ Ac, breþer, ðonne we wæron fram eow getoren for lyttlre tide, ac ana on lichaman ne on mode, fandodon we on ure giernunge þæt we be eow neosan mihton. ¹⁸ Forðy we gierndon be eow to cumenne, ic Paulus soðe, eft and eft, ac Satan gelette us. ¹⁹ Forðy hwæt is ure hope, ure wynn oððe ure cynehelm mid þæm þe we sculon wuldrian on þære andweardnesse ures Hælendes Iesu Cristi ðonne he cymð? Nis hit ge? ²⁰ Soð, ge sind ure wuldor and wynn.

Heafod 3

Þus ðonne we ne mihton hit lengre na ðolian, we þuhton hit bet þæt we ane belafon on Athenam. ² We senddon Timotheus þe ure broðer is and Godes midwyrht on þære bodunge of Cristes godspelle, þætte he mihte eow gestrangian and bemodigan on eowrum geleafe ³ swa þætte nænig man be unsmylte on þissum þingum. Ge cnawað wel þæt hi cumon us to. ⁴ Hraðre, ðonne we wæron mid eow, ne oflæfton we þæt we eow sægdon þæt we sculen beon geehtt. And swa hit is nu gelompen, swa ge cnawað. ⁵ For þissum grunde, ðonne ic ni mihte hit lengra na ðolian, asendde ic sumne þætte ic ymb eower geleaf hieran mihte. Ic forhtode þæt on sumum wege se costniend mihte eow gecostnod hæbban and ða wæren ure mægen unnytte.

⁶ Ac Timotheus is nu fram eow to us gecomen and hæfð godne bodan ymb eower geleafa and lufe gebroht. He cwæð us þæt ge habbað æfre bliðe gemynd ures and þæt ge giernað us to seonne, efne swa we giernað eow to seonne. ⁷ Forðy, breþer, on eall urum sorge and ure ethnysse wurdon we bemodigde ymb eow þurh eower geleafa. ⁸ Nu libbað we soðe, forþæm þæt ge sind strange on þæm Hælende. ⁹ Hu magon we þancian Gode genog for eow for eallum wynne þe we habbað ymb eow on Godes andweardnesse? ¹⁰ Nihtes and dæges gebiddað we us sare eornostlice þæt we magon eow seonne ongean and fultumian mid þæm þæt þe þearf on eowrum geleafan.

¹¹ La leof, magon efne ure God and Fæder self and ure Hælend Iesus openian þone weg for us þæt we magon be eow cuman. ¹² Drihten do eowre lufe weaxan þæt ge lufiað eowra gehwilcne and manna gehwone, swa we lufiað eow. ¹³ He gestrange eowre heortan swa þætte ge sien unscyldige and halige on ures Godes and Fædres andweardnesse ðonne ure Hælend Iesus cymð mid his haliga gehwæm.

Heafod 4

Libban for Godes wynne

Nu endlice, breþer, we tæccað eow hu ge libban sculon þætte eow God liceð, swa ge libbað soðe. Nu acsiað we eower and maniað eow on Hælendes Iesu naman þæt ge don þis æfre mare. ² Forðy ge cnawað hwilcne larcwidan we gafon eow þurh Hælendes Iesu geweald.

³ Hit is Godes willa þæt ge sien gehalgode: þæt ge forbugað forligre; ⁴ þæt eowra gehwa learneð his agen bodig to gewealdenne on wege þe is halig and arful, ⁵ ne on hatheortre galnesse swa þa hæðenas þe ne cunnað God. ⁶ On þissum þinge nan ne do his breþer na yfel ne he ne forheald hine. Forðy Drihten sceal forgieldan menn for ilca synna gehwæm swa we habbað eow git gecweden and gemaned. ⁷ Forðy God ne aweccte us þæt we sien unclæne ac þæt we libdon halig lif. ⁸ Forþæm þe he þe þisne larcwidan forweorpð ne forweorpð ne mann ac God þe giefeð eow his Gast.

⁹ Nu ymb cristenlicre lufe ne motan we writan to eow forðy ge wæron getynde efne fram Gode þæt ge eow lufoden. ¹⁰ Soðe, ge lufiað ealle breþer geond Macedoniam. Þeah we maniað eow, breþer, þæt ge don þis æfre mare.

¹¹ Hit beo eower wysce þæt ge lifien stille lif, þæt ge beseon æt eowrum agenum bisgum and don handweorc swa we sægdon to eow, ¹² swa þæt eower gedæghwamlic lif mæg winnan þæra unmaga ar and swa þæt ge ne forlæten eow on nænigum menn.

Hælendes tocyme

¹³ Breþer, we nillað þæt ge beon ungewisse ymb þa þe feallað on slæpe, ne þæt ge murniað swa oðere menn þe na tohopan ne hæbbað. ¹⁴ We geleafað þæt Iesus swealt and of deadum aror and swa we geleafað þæt God sceall niman mid Iesum þa þe sind on him on slæpe gefallen. ¹⁵ Æfter Hælendes agenum worde, cweðað we þæt we þe git libbað, þe sind gelæft oð Hælendes tocyman, ne sculon soðe foregan beforan þæm þe sind on slæpe gefallen. ¹⁶ Forðy efne Hælend sceal of heofone ofstigan mid hludum bebod, and mid arcengles stemne and mid Godes hornhrope, and þa deaðan on Criste sculon ærest arisan. ¹⁷ Æfter þæm, we þe libbað git and sind gelæft, sculon beon genumene ætgædre mid him on wolcnum þæt we Hælende gemetað on lyfte. And þus sculon we beon mid Hælende æfre. ¹⁸ Forðy, bemodig eow mid þissum wordum.

Heafod 5

Nu, breþer, ymb tid and dæg ne motan we writan, ² forðy ge cnawað swa wel swa we þæt Hælendes dæg sceal cuman swa nihtlic þeof. ³ Þonne swa menn cweðað, "Frið and gebeorg," ðonne sceal towurpnis cuman on him, færinga swa byrðwærc on eacenre cwene, and hi ne sculon ne gefleman.

⁴ Ac ge, breþer, ne sind on þeostre swa þæt on þæm ilcan dæge hit sceal beon to eow swa nihtlic þeof. ⁵ Ge sind ealle lihtes suna and dæges suna. We ne hierað þære nihte oððe þæm þeostre. ⁶ Swa ðonne, uton ne beon swa swa oðere menn þe swefað ac uton wæccan and beon self smilte on mode. ⁷ Forðy þas þe swefað, hi swefað nihtes; and þas þe druncniað, hi druncniað nihtes. ⁸ Ac forðy we hierað þæm dæge, uton beon self smilte on mode, mid þæm þe þæt we geleafa and lufe weriað efne swa breostbeorg, and hæles tohopan swa helm. ⁹ Forðy God ne aweccte us þæt we þrowen ierre ac þæt we onfon hæl þurh urne Hælend Iesum Cristum. ¹⁰ He swealt for us swa þæt, sam we wæccað sam slapað, we lifen ætgædre mid him. ¹¹ Forðy bemodig eow and gestrang eow, swa ge soðe doð.

Letste lærcwidan

¹² Nu, breþer, acsiaðwe eow þæt ge ariað þas þe weorcað swiðe sare be eow, þas þe sind ofer eow on Hælende and maniað eow. ¹³ Lufiað hie mid heahstre are for hierum weorce. Libbað on friðe be eow. ¹⁴ And we maniað eow, breþer, maniað þas þe idele sind, bemodigiað þa unstiðan, fultumiað þa untrumman, wesað geþyldige mid eallum. ¹⁵ Wesað gewisse þæt nænig mann ne forgieldeð yfel mid yfle ac wesað æfre milde to ilcum oðrum and to eallum mannum.

¹⁶ Wesað æfre wynnfulle; ¹⁷ gebiddað eow æfre; ¹⁸ þanciað on eallum wegum forðy þis is Godes willa mid eow on Cristum Iesum.

¹⁹ Ne acwencað Gastes fyr; ²⁰ ne beseoð forewitegunge mid forhogdnesse.

²¹ Cunniað eallu þing. Belafað be gode.

²² Onscuniað eal yfel.

²³ Efne God, friðes God, halige eow on heortan. Eower ful gast, sawol and bodig sien unwemmed æt ures Hælendes Iesu Cristi tocyman. ²⁴ Se þe clypeð eow is getrywlic and he sceal hit don.

²⁵ Breþer, gebiddað eow for us. ²⁶ Halette ealle breþer mid haligra cysse. ²⁷ Ic manie eow beforan Drihtne þæt ge þisne pistol rædað æt eallum broðrum.

²⁸ Ures Hælendes Iesu Cristi giefu sie mid eow.

Click here to return to the top of the page.

This page hosted by Get your own Free Homepage

Some images were supplied by the Christian images Gallery.